កុមារី ៤ នាក់ អស់ព្រហ្មចារី ដោយសារ….!

loading...

​កាលពី​រសៀលថ្ងៃទី​ ២៧ ខែ មេសា ឆ្នាំ ​២០១៧​ នគរបាល​នៃការិយាល័យ​ប្រឆាំង​ការជួញដូរ​មនុស្ស និង​ ការពារ​អនីតិជននៃ​ស្នងការដ្ឋាន​នគរបាល​រាជធានី​ភ្នំពេញ បាន​ចុះ​ឃាត់ខ្លួន​បុរស​ជនជាតិ​អង់គ្លេស​ម្នាក់ឈ្មោះ ឃែរ រ៉ូប៊ឺតក្រេសស៊ី អាយុ ៦៩ ឆ្នាំ  ក្រោយពី​ទទួលបានពាក្យ​បណ្ដឹងពាក់ព័ន្ធ​ការរំលោភបំពាន​ផ្លូវភេទ​លើ​ក្មេងស្រី​ ។

​ការឃាត់ខ្លួន​នេះ ​ធ្វើឡើងនៅក្នុង​ហាង​កាហ្វេ​មួយកន្លែង ហើយ​បន្ដ​ឆែកឆេរ​ក្នុង​ខុន​ដូមួយ​ឈ្មោះ «​ឌី​អឹម​»  ដែលស្ថិតនៅតាម​បណ្ដោយផ្លូវលេខ​ ១០៩ ស្ថិតនៅ​សង្កាត់​ទួល​ទំពូង ​២ ខណ្ឌចំការមន ។ ការឃាត់ខ្លួន​នេះធ្វើឡើងបន្ទាប់ពី​កម្លាំង​ជំនាញ​ទទួលបាន​ពាក្យបណ្ដឹង​ពី​ម្ដាយ​ក្មេងស្រី​រងគ្រោះចំនួន ​៤​ នាក់ ដែល​បាន​ប្ដឹង​ជនបរទេស​រូបនេះ​ថា បាន​បំពាន​ផ្លូវភេទ​លើ​កូន​របស់ខ្លួននាពេល​កន្លងទៅ ។​

ចំណែកក្មេងស្រីរងគ្រោះសុំមិនបញ្ចេញឈ្មោះ ដោយគ្រាន់តែដឹងថា មានអាយុ ១៤ ឆ្នាំ ម្នាក់ អាយុ ១២ ឆ្នាំម្នាក់ អាយុ ៦ ឆ្នាំម្នាក់ និង អាយុ ៥ ឆ្នាំម្នាក់ ជាជនជាតិខ្មែរ ដែលមានទីលំនៅក្នុងខណ្ឌច្បារអំពៅ ។ នាពេលកន្លងមកបុរសរូបនេះ បានទាក់ទងឱ្យគេរកទិញក្មេងស្រីជាអនិជនទាំង ៤ នាក់ នាំទៅកាន់ខុនដូ ដែលខ្លួនជួលស្នាក់នៅ ដោយឱ្យក្មេងស្រីអាយុ ១៤ ឆ្នាំ ម្នាក់ចំនួន ៣០០០ ដុល្លារ ជាថ្នូរនឹងការរួមភេទជាមួយគេក្នុងរយៈពេល បី ថ្ងៃ ។ ចំណែកក្មេងស្រីតូចៗ ៣ នាក់ផ្សេងទៀត ឱ្យប្រាក់ម្តងៗពី ១០០ ទៅ ៣០០ ដុល្លារ ជាថ្នូរដើម្បីបៀមលិង្គ បបោសអង្អែល និង បៀតបៀនកេរ្តិ៍ខ្មាស់ ។